Shqiptari bëhet hero në Austri, shpëton fëmijën nga keqtrajtimi i një nëne të dehur

In Disaspora

Një nënë e dehur (42) është parë të dielën pasdite në sheshin Braunau të Austrisë, teksa keqtrajtonte vajzën e saj dy vjeçare. Shqiptari (21) Elvis Kadriu, i tmerruar nga kjo situatë ndërhynë për ta shpëtuar vogëlushen nga “kthetrat” e nënës së saj.

“Skenat që kam parë atë ditë ende më kanë mbetur nëpër kokë. Nuk mundem të besoj se si një nënë mund të sillet në atë mënyrë ndaj fëmijës së saj”, ka thënë Elvisi për gazetën austriake “Heute.at”. Kadriu ka thënë se edhe pas dy ditësh ende është i tronditur nga tmerri.

Siç raportohet, vajza ishte e veshur me një fustan, blusë dhe me këmbë zbathur në një temperaturë të ftohtë, prej 8 gradë. Nëna e dehur keqtrajtonte vajzën Leonie, madje ajo e hodhi për toke më gjithë forcën që kishte. Vogëlushja vetëm qante, përcjell “albinfo.ch”.

“Unë isha duke u kthyer me veturë nga shtëpia e hallës sime. Në një kryqëzim pash se si gruaja e keqtrajtonte fëmijën e saj”, ka shpjeguar rastin Elvisi.

21-vjeçari shqiptar kur sheh atë ngjarje, parkon veturën dhe flet me gruan. Megjithatë, gruaja sillet në mënyrë shumë agresive. “Ajo ishte aq e dehur sa që nuk arrinte të qëndronte as në këmbë”, ka shtuar ai.

Derisa Elvisi ka arritur ta shpëtojë fëmijën nga keqtrajtimet e mëtutjeshme, nuk lejon as gruan të ikë pa ardhur policia.

Për shkak të lëndimeve trupore, Leonia e vogël është dërguar në spital.

Elvis Kadriu ka thënë se dëshiron që sot ta viziton vajzën në spital dhe të sheh për se afërmi se si është gjendja e saj shëndetësore.

You may also read!

Kuvendi i Shqipërisë zgjedh mes tensionesh Arta Markun Kryeprokurore të Përkohshme

Kuvendi ka zgjedhur mes tensionesh Kryeprokuroren e Përkohshme. Me 69 vota pro, 2 kundër dhe 2 abstenim, deputetët e

Read More...

Horoskopi ditor, e Hënë 18 Dhjetor 2017

Dashi Gjatë kësaj dite qielli do të jetë i pastër. Pritet të jetë dita e duhur për t’u emocionuar

Read More...

Jevtiq: Lista Serbe bashkëpunon me Beogradin, por vendimet i merr vet

Zëvendëskryeministri i Kosovës njëherit ministër për Komunitete dhe Kthim, Dalibor Jevtiq ka thënë se Lista Serbe bashkëpunon me Beogradin,

Read More...

Leave a reply:

Your email address will not be published.

Mobile Sliding Menu